Дастлаб болалар суратларни қоғозга чизишди, сўнгра ота-оналар кўмагида завод ҳудудида жойлашган бино деворига кўчирилди. Шу тариқа, иштирокчиларнинг ижоди корхонанинг меъморий қиёфасининг бир қисмига айланди.
Ижодий ишлар креативлик ва ўзига хослик, мавзуга мувофиқлик, ранг-баранглик, тартиблилик ва умумий таассурот каби мезонлар бўйича баҳоланди. Ҳакамлар ҳайъати барча иштирокчиларнинг юқори даражадаги тайёргарлиги ва ижодий ёндашувини қайд этди.
Танлов натижаларига кўра қуйидаги иштирокчилар ғолиб деб топилди: 1-ўрин – Алиқулова Гавҳарой. Дадаси – Алиқулов Жасур, ADM Jizzakh заводининг қозонхона ва компрессор иш фаолиятини таъминлаш гуруҳининг оператори. 2-ўрин – Муродова Шаҳло. Онаси – Мардиева Феруза, ADM Jizzakh заводининг хўжалик-фойдаланиш бўлими идорасининг тозалигини таъминлайди. 3-ўрин – Бахтиёрова Одина. Онаси – Жуманова Хилола, ADM Jizzakh заводининг корпоратив таомланиш ва делегацияларни қабул қилиш бўлими ходими.
Ғолибларга муносиб совғалар, қолган иштирокчиларга эса сертификат ва эсдалик совғалари топширилди.
Танлов болалар ва уларнинг ота-оналарини бирлаштирган ёрқин ва эсда қоларли воқеа бўлди, шунингдек, корпоратив маданиятда оилавий қадриятларнинг аҳамиятини таъкидлади.
Реклама ҳуқуқлари асосида
Изоҳ