2025 йилнинг 25 сентябрь куни соат 10:10 ларда “Тошшаҳартрансхизмат” АЖ таркибидаги "2-Автобус саройи" филиали тасарруфидаги King Long русумли, 63-сонли (Қорасув 1-мавзеси — Юнусобод мебел дўкони) йўналиши бўйлаб ҳаракатланадиган автобус ҳайдовчиси А.С. автобусни Мирзо Улуғбек тумани Мирзо Улуғбек кўчаси бўйлаб бошқариб келиб, бир йўналишда ўзига нисбатан олдинда ҳаракатланаётган, "5-Автобус саройи" филиалига тегишли Yutong русумли,151-сонли (Чингелди маҳалласи – Буюк ипак йўли метроси) йўналиши бўйлаб ҳаракатланадиган автобусга нисбатан оралиқ масофани сақламаган.
Оқибатида орқа томонига тўқнашиб, йўл-транспорт ҳодисасини содир этган.
Ўз навбатида, “Yutong” русумли автобус тўқнашувда олган энерсияси таъсирида ўзига нисбатан олдинда ҳаракатланаётган Onix’га бориб урилган.
Ҳодисада, дастлабки маълумотларга кўра, King Long автобусида йўловчи сифатида кетаётган 1979 йилда туғилган М.И. қўрқиши ва қаттиқ стресс ҳолатига тушиши оқибатида тиббиёт масканида тез-тиббий ёрдам ходимлари томонидан биринчи ёрдам кўрсатилган.
Тўқнашув натижасида, ҳар иккала автобус ҳам техник шикастланган.
Содир бўлган йўл-транспорт ҳодисаси ўрнатилган тартибда Тошкент шаҳар ИИББ ЙҲХБ ходимлари томонидан расмийлаштирилган.
Изоҳ