Ўзгидромет хабарига кўра, бугун ва яқин кунларда Ўзбекистон ҳудудида аста-секин ҳаво ҳарорати кўтарилиши давом этади. Ҳарорат 10-11 ноябрь куни кечаси ва эрталаб 0...+3 даража илиқ, кундузи +13...+16 даража илиқ бўлади.
Ҳафта ўртасидан бошлаб ҳаво ҳарорати кечги ва тонгги вақтларда +4...+7 даража илиқ атрофида бўлади, кундузи эса +17...+20 даражагача илиқ бўлади.
Республика ҳудудининг аксарият қисмида қуруқ ҳаво сақланиб туради. Фақат 10-11 ноябрь куни Тошкент вилоятининг тоғли ҳудудларининг баъзи жойларида ёғингарчилик (қор, ёмғир) ёғиши мумкин.
Тошкентда ёғингарчилик кутилмайди. Ҳаво ҳарорати 10-11 ноябрь куни кечаси +2...+4 даража илиқ, кундузи +13...+16 даража илиқ, 12-14 ноябрда кечаси +4...+7 даража илиқ, кундузи +17...+20 даража илиқ бўлади. Шамол шарқдан 3-8 м/c тезликда эсади.
Изоҳ