Бухоро вилояти ИИБ Матбуот хизматининг хабар беришича, Бухоро вилояти Бухоро туманида фуқаро Б.А. ўзга бир фуқарога Бухоро тумани “Работиқалмоқ” маҳалласи ҳудудидаги туман ҳокимлиги заҳирасида турган 20 сотих ерни $8 мингга сотишга келишган.
Шундан сўнг, Б.А. Бухоро шаҳар Б.Нақшбанд кўчасида кимёвий ишлов берилган пулларни олган вақтида ашёвий далиллар билан ушланди.
Мазкур ҳолат юзасидан Б.А.га нисбатан ЖКнинг 168-моддаси (фирибгарлик) 3-қисми “в” банди билан жиноят иши қўзғатилиб, дастлабки тергов ҳаракатлари олиб борилмоқда.
