ИИВ ЙҲХББ Ахборот хизмати маълумотларига кўра, кеча, 6 сентябрь куни Фарғона вилояти Олтиариқ туманида 1991 йилда туғилган ҳайдовчи Spark русумли автомобилда ҳаракатланаётиб, бошқарув вақтида ухлаб қолиб ЙТҲ содир этган.
У қарама-қарши йўналишга ўтиб кетиб, қаршисидан келаётган ҳайдовчи, 2001 йилда туғилган Б.Б. бошқарувидаги КамAЗ-53212 русумли юк автомобили билан тўқнашган.
Оқибатда, Spark русумли автомобиль ҳайдовчиси 29 ёшли С.Ф. ва йўловчиси 1991 йилда туғилган А.Н.лар оғир тан жароҳатлари олиб воқеа жойида вафот этишган.
Мазкур ЙТҲ юзасидан терговолди суриштирув ишлари олиб борилмоқда.
