ДХХ Чегара қўшинлари ҳарбий хизматчилари томонидан божхона органлари ходимлари билан ҳамкорликда ўтказилган тезкор тадбир давомида республикага йирик миқдордаги дори воситаларини ноқонуний олиб киришга уриниш бартараф этилди.
Хусусан, “С. Нажимов” чегара божхона постида Қозоғистондан келган Фарғона вилоятилик фуқаро бошқарувидаги юк автомашинаси кўздан кечирилган.
Автомашинада озиқ-овқат маҳсулотлари орасига яширилган ҳолда 52 турдаги 95 минг 369 дона тиббий буюм ва дори воситалари аниқланган.
Шундан сўнг тезкор тадбирлар давом эттирилиб, ноқонуний юкни қабул қилиб олиш вақтида 1986 йилда туғилган Тошкент тумани фуқароси қўлга олинган.
Эксперт хулосасига кўра, мусодара қилинган тиббий воситаларнинг умумий қиймати 1 млрд 323 млн сўмни ташкил этган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ