Fitch агентлиги 7 йилдан бери илк бор Ўзбекистон рейтингини оширди

Сўнгги етти йил ичида бу Fitch агентлиги томонидан Ўзбекистон рейтингиing биринчи оширилиши ҳисобланади.

Шуни алоҳида таъкидлаш жоизки, бундан аввал ҳам етакчи рейтинг агентликлари — S&P ва Moody’s Ўзбекистон бўйича ўз прогозларини ижобий томонга ўзгартирган эди. Fitch агентлигининг бу қарори мамлакат иқтисодиётида рўй бераётган ижобий ўзгаришларнинг навбатдаги тасдиғи бўлди.

Агентликнинг расмий баёнотида таъкидланишича, ушбу қарор фаол структуравий ислоҳотлар, макроиқтисодий хавфларнинг камайиши ва ўрта муддатли истиқболда иқтисодий ўсиш суръатларининг барқарорлиги билан изоҳланади. Ижобий омиллар сифатида пул-кредит сиёсати самарадорлиги ва ишончлилиги ошгани, хусусийлаштириш дастурларининг фаоллашгани ҳамда давлат идоралари фаолиятининг ошкоралиги кучайгани қайд этилган.

Бундан ташқари, 2024 йилда электр энергияси тарифларининг либераллашуви ва субсидиялар қисқартирилиши кутилганидан кўра ижобийроқ молиявий кўрсаткичларга олиб келди.

Шу билан бирга, Fitch қуйидаги ҳолатларда рейтинг пасайиши мумкинлиги ҳақида огоҳлантирди:

хом ашё нархларининг барқарор тушиб бориши ёки пул ўтказмалари ҳажмининг камайиши натижасида ташқи савдо тақчиллиги ортиб, халқаро захиралар сезиларли даражада қисқарса;

— иқтисодий ўсиш секинлашса;

— бюджет тақчиллиги ортиб борса;

— миллий валюта кескин қадрсизланса;

— давлат қарзи, шу жумладан, давлатнинг шартли мажбуриятларини қоплаш туфайли, кескин ўсса;

— фискал захиралар заифлашса.

Агентликнинг тўлиқ ҳисоботини Fitch Ratings расмий веб-сайтида кўриш мумкин.