Космик тадқиқотлар ва технологиялар агентлиги мутахассислари томонидан барча лойиҳалар баҳоланганидан сўнг, 28 та лойиҳа финалга чиқди — уларнинг жамоалари 10 май куни ҳакамлар ҳайъатига тақдим этилади. Танловнинг энг фаол иштирокчилари Тошкент шаҳри (45 та лойиҳа) ва Сурхондарё вилояти (14 та лойиҳа) ёш муҳандислари бўлди.
Танлов ҳакамлар ҳайъати таркибига Uzcosmos, Рақамли технологиялар вазирлиги, Олий ва мактаб таълими вазирлиги, Инновацион ривожланиш агентлиги, Ёшлар ишлари агентлиги ҳамда Uzum миллий рақамли экотизими экспертлари киритилди. Баҳолашнинг асосий мезонлари ижтимоий ва экологик аҳамияти, шунингдек, лойиҳани амалга ошириш имконияти бўлади.
— Бу йил "Ёш муҳандис" республика танлови биринчи марта ўтказилмоқда, бироқ биз уни яхши анъанага айлантиришни ва бутун мамлакатдан кўпроқ иқтидорли болаларни қўллаб-қувватлашни режалаштирмоқдамиз. Шуни алоҳида таъкидлаш керакки, лойиҳалар даражаси ҳам ортиб бормоқда — ёшлар таклиф қилаётган ечимлар ва ёндашувлар ҳақиқатан ҳам ўзига хос бўлиб, катта лойиҳалар учун бошланғич нуқта бўлиши мумкин, — дейди "Uzcosmos" директори Шӯҳрат Қодиров, — Аризаларни танлаб олиш жараёнида, жамоаларнинг ҳаво ифлосланиши, инсон саломатлигини назорат қилиш ва бошқа ижтимоий аҳамиятга эга муаммоларга эътибор қаратаётганини кузатдик. Ва, албатта, биз бу йил кўплаб ўзбекистонлик ёшларнинг орзуси бўлган компания — Uzum билан ҳамкорлик ўрнатганимиздан фахрланамиз.
— Uzum ташкил этилгандан бери биз истеъдодли ёшларни излаб, мамлакат келажагини қурадиган ёшларни фаол қўллаб-қувватлаб келмоқдамиз, — дейди ташқи алоқалар ва ижтимоий лойиҳалар раҳбари Мария Скорик. — Ушбу танлов орқали мамлакатимизнинг турли бурчакларидан келган юзлаб йигит-қизлар ўз орзулари сари илк қадамини ташладилар, дадил ғояларини рўёбга чиқардилар. Ишончимиз комилки, технологиялар одамларга ёрдам бериши мумкин ва керак ва бугун биз кўплаб қизиқарли лойиҳалар ва ғояларни, эҳтимол, бир неча йилдан сўнг Uzum жамоасининг бир қисмига айланадиган бўлажак ҳамкасбларни кўрдик.
Лойиҳалар тақдимоти ва финалчиларни тақдирлаш 10 май куни IT Park’да бўлиб ўтади. Тафсилотлар futureengineers.cmspace.uz сайтида.
Реклама ҳуқуқлари асосида
Изоҳ