Юнусобод туман ички ишлар органлари фаолиятини мувофиқлаштириш бошқармаси навбатчилик қисмига номаълум фуқаро тумандаги кўп қаватли бинолардан биридан ўзини ташлаб жонига қасд қилмоқчи эканлиги ҳақидаги хабар келиб тушган.
Тезкорлик билан воқеа жойига етиб келган ҳудуд профилактика инспектори ҳамда туман ички ишлар органлари раҳбарлари содир этилиши мумкин бўлган нохуш воқеанинг олдини олишга муваффақ бўлишди, дея хабар бермоқда Тошкент шаҳар ИИББ Матбуот хизмати.
"Биз тепага чиққанимизда ушбу қиз бурчакда турган эди. Туман ички ишлар раҳбаримиз ва ўринбосарлари биргаликда бориб, у билан суҳбатлашдилар. Билдик-ки, ушбу фуқаро қўлларини кесган, тилган ҳолатда ўтирган, йиғлаган ҳолда ўтириб, ўз жонига қасд қилмоқчи бўлган.
У билан суҳбатлашиш жараёнида хавфсиз бўлган ҳудудга олиб, пастга туширдик. Тиббиёт муҳим ходимларини ва психологларни чақирдик. Ушбу шахснинг тиббий ҳолатини текшириш мақсадида тиббиёт бошқармасига топширдик", - деди ИИО ходими.
