Исроил ҳарбий-ҳаво кучларининг Ливан пойтахти Байрут чеккасига берган зарбаси оқибатида камида тўрт киши ҳалок бўлди, яна етти киши яраланди, дея хабар бермоқда Al Hadath телеканали.
Маълумотларга кўра, шаҳар жанубидаги уч қаватли турар жой биноси авиазарбага учраган. Портлашда ҳалок бўлганлардан бири "Ҳизбуллоҳ" гуруҳи аъзоси бўлган. Ҳалок бўлган жангарининг исми ҳалигача ошкор этилмаган.
Ҳозирда яқин атроф полиция томонидан тўсиб қўйилган. Мутахассислар жабрланганларни қутқариш ва ёрдам кўрсатиш ишларини олиб боришмоқда.
