Навоий вилояти Кармана туманида 2010 йилда туғилган қиз ўзини осиб қўйгани айтилган хабар ижтимоий тармоқларга сиздирилди. Ушбу ҳолат юзасидан Бош прокуратура матбуот хизмати раҳбари Ҳаёт Шамсутдинов UzNews.uz’га маълумот берди.
Жорий йилнинг 28 февраль куни соат 10:30 атрофида Навоий вилояти Кармана тумани "Янгиҳаёт" МФЙда яшаган 2010 йилда туғилган, вояга етмаган И.Ж. (қиз бола) яшаш хонадонининг хўжалик биносида арқон билан ўзини ўзи осиб, ўз жонига қасд қилган ва воқеа жойининг ўзида вафот этган. И.Ж.нинг ўлим сабаби дастлабки текширув натижасига кўра механик асфиксиядан келиб чиққанлиги аниқланган.
Ҳозирда ушбу ҳолат бўича Кармана туман прокуратураси томонидан терговга қадар текширув ҳаракатлари олиб борилмоқда.
