Бугун, 17 февраль куни Миллий олимпия қўмитасида Ўзбекистон теннис федерациясининг навбатдан ташқари сайлов конференцияси бўлиб ўтди ва унда ташкилий масала кўриб чиқилди.
Ўзбекистон теннис федерацияси раиси лавозимига кўп йиллар давомида "Пахтакор" клуби президенти лавозимида ишлаган тадбиркор ва мутахассис Ботир Раҳимов номзоди илгари сурилди. Унинг номзоди бир овоздан маъқулланди.
Теннис федерациясининг собиқ раиси, "Ўзмиллийбанк" АЖ бошқаруви раиси Алишер Мирсоатов қишки спорт турлари ассоциациясига раҳбар бўлди.
