Санкт-Петербургнинг Невский туманидаги уйнинг ертўласидан зўравонлик билан ўлдирилган аёлнинг жасади топилди.
Тергов маълумотларига кўра, Ўзбекистон фуқароси 10 декабрь куни Россия Федерацияси ҳудудини тарк этиб, ватанига қайтиб кетган ва у ерда ҳуқуқ-тартибот органларига 9 декабрь куни ўз ҳамюрти бўлган фуқарони ўлдиргани ҳақида ариза билан мурожаат қилган.
У жасадни яширган аниқ манзилни айтиб берган. Воқеа жойида тергов-тезкор гуруҳи уйнинг ертўласида тупроққа кўмилган жомадондан зўравонлик билан ўлдирилган аёлнинг жасадини топишган.
Россиянинг Санкт-Петербург шаҳридаги ДСҚнинг Невский тумани бўйича тергов бўлими томонидан Россия Федерацияси ЖКнинг 105-моддаси 1-қисми (қотиллик) билан жиноят иши қўзғатилган.
