Ўзбекистон ва Туркия ИИВ ҳамкорлигида ўтказилган навбатдаги тезкор тадбир давомида одам савдоси жиноятини содир этганликда айбланиб, 8 йилдан буён Ўзбекистон ИИВ томонидан қидирувда бўлган 1980 йилда туғилган Т.Қ. Тошкент шаҳрига депортация қилинди. Бу ҳақда Ўзбекистоннинг Истанбулдаги Бош консулхонаси Матбуот хизмати хабар берди.
"Ушбу шахснинг хатти-ҳаракатларидан жабр кўрган фуқаролардан Ўзбекистоннинг Истанбул шаҳридаги Бош консулхонасига ёки Ўзбекистон ИИВ ёхуд ИИОнинг қуйи ҳудудий бўлинмаларига мурожаат қилиш сўралади," - дейилади хабарда.
Жиноят учун жазонинг муқаррарлигини таъминлаш мақсадида Туркия ҳудудида ҳамкорликдаги тадбирлар тизимли равишда давом эттирилмоқда.
