Бугун Тошкентда Cobalt, Tracker ва йўловчи ташиш автобуси иштирокида ЙТҲ содир бўлгани акс этган видео ижтимоий тармоқларга сиздирилди. Ушбу ҳолат юзасидан маълумот берилди.
Аниқланишича, бугун 24 сентябрь куни соат 10:10 атрофида “12-Автобус саройи” филиали тасарруфидаги King Long русумли 131-сонли йўналиш ҳайдовчиси Қ.А. бошқарувидаги автобус, Олмазор тумани Талабалар кўчаси бўйлаб ҳаракатланиб кетаётган вақтда Cobalt ва Tracker енгил автомашиналари билан тўқнашиб кетиши оқибатида йўл-транспорт ҳодисаси содир этилган.
Ушбу ЙТҲ натижасида Tracker ҳайдовиси К.Ф., йўловчиси Т.М. ва Э.А.лар енгил тан жароҳати олган. Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган.
