Ўзбекистон республикаси ижро ҳокимияти органлари Янги Тошкент шаҳри ҳудудига кўчирилади. Бу ҳақда президентнинг “Иқтисодиётда давлат иштирокини қисқартиришнинг қўшимча чора-тадбирлари тўғрисида”ги қарори қабул қилинди.
Янги Тошкент шаҳрини барпо этиш ишларини мувофиқлаштирувчи кенгаш республика ижро этувчи ҳокимият органларини Янги Тошкент шаҳри ҳудудига кўчириш, уларнинг маъмурий биноларидан самарали фойдаланиш ва уларни сотишдан тушадиган маблағларни ушбу ҳудудда маъмурий биноларни барпо этишга йўналтириш юзасидан 3 ой ичида таклиф киритиши лозим.
Эслатиб ўтамиз, аввалроқ, Янги Тошкентда илк иншоотлар қурилишини бошлаш маросими бўлгани, президент рамзий тугмани босиб, бинолар қурилишини бошлаб бергани ҳақида хабар бергандик.
