Фарғонада бир гуруҳ шахслар йўлнинг қатнов қисмида ўзаро жанжаллашгани акс этган видео ижтимоий тармоқларга сиздирилди. Ушбу ҳолат юзасидан Фарғона вилояти ИИБ Матбуот хизмати изоҳ берди.
Аниқланишича, жорий йилнинг 2 январь куни Фарғона шаҳар Кимёгар кўчасида фуқаролар А.П., Ғ.Х. ҳамда Г.Н., И.Н.лар жамиятда юриш-туриш қоидаларини қасддан менсимасдан, бир-бирларини уриб дўппослаб, автомашиналарга шикаст етказган.
Судга оид тиббий экспертизанинг 2024 йил 4 январдаги хулосасида фуқаролар Г.Н. ва И.Н. енгил тан жароҳати олганлиги кўрсатилган.
Ҳозирда мазкур ҳолат юзасидан ЖКнинг 277-моддаси 1-қисми (безорилик) билан жиноят иши қўзғатилиб, дастлабки тергов ҳаракатлари олиб борилмоқда.
