Тошкент вилояти божхона бошқармаси Контрабандага қарши курашиш тезкор ходимлари, ДХХ Тошкент шаҳар бошқармаси ҳамда ИИБ йўл-патруль хизмати ходимлари билан ҳамкорликда Тошкент вилояти Оҳангарон тумани ҳудудида тезкор тадбир ўтказилган.
Тадбир давомида Оҳангарон туманида "Фарғона-Оҳангарон" йўналиши бўйлаб ҳаракатланиб келаётган фуқаро бошқарувидаги бўлган, “Mersedes Benz Sprinter” русумли автотранспорт воситаси тўхтатилиб, холислар иштирокида кўздан кечирилган. Натижада автоулов юк хонасида хуфиёна тарзда кийим-кечаклар остига яширилган 174 108 дона пиротехника воситалари аниқланган.
Дастлабки ҳисоб-китобларга кўра, мазкур пиротехника воситаларининг қиймати 200 млн сўм бўлган.
Ҳозирда, ҳолат юзасидан суриштирув ишлари олиб борилмоқда.
