Аввалроқ, ижтимоий тармоқда Тошкентда автобус ёниб кетгани акс этган видео тарқалди. Мирзо Улуғбек тумани ҳокимлиги ҳолат юзасидан маълумот берди.
Қайд этилишича, Мирзо Улуғбек тумани Мирзо Улуғбек кўчаси 43-уй қаршисида ҳаракатланиб келаётган 5-сонли автобус саройига қарашли (151 Буюк Ипак йўли ва Чингелди йўналишидаги) автобуснинг мотор қисмида ёнғин чиқиб, орқа ўриндиқ ёнган.
Ҳаракатдаги автобусда йўловчилар бўлмаган. Ёнғин йўналишни якунлаб саройга қайтаётганда содир бўлган. Ҳодиса тўғрисида туман ФВБга 20:38 да маълумот берилган ва ёнғин 20:47 да ўчирилган. Ёнғин оқибатида жабрланганлар йўқ.
Айни вақтда ёнғин сабаби ва моддий зарар аниқланмоқда.
