Туркиянинг Йозгат шаҳрида йўловчи автобуснинг ағдарилиб кетиши натижасида 12 киши ҳалок бўлди, 19 киши жароҳатланди дея хабар бермоқда РИА Новости A Haber нашрига таяниб.
Манбанинг маълум қилишича, Сивасдан-Истанбул йўналишида йўловчи автобусини бошқариб кетаётган ҳайдовчи руль бошқарувини йўқотиши натижасида автобус қарама-қарши томонга ўтиб кетган ва дарага ағдарилиб кетган. Ушбу ЙТҲ натижасида 12 киши ҳалок бўлган, 19 киши жароҳатланган. Жароҳат олганларнинг икки нафарини аҳволи оғир дея баҳоланмоқда.
