Жорий йилнинг 23 январь куни соат 23:00 да Жондор тумани Навгади маҳалласида ҳуқуқ-тартибот идоралари ходимлари томонидан 72 ёшли фуқаронинг уйида интим учрашувлар ташкил этилгани қайд этилган. Бу ҳақда Бухоро вилояти ИИБ Матбуот хизмати хабар берди.
Маълум бўлишича, нафақахўр кечаси жинсий алоқа қилмоқчи бўлган фуқароларга 50 минг сўмлик хона ажратган.
Мазкур ҳолат юзасидан Жиноят кодексининг 131-моддаси 2-қисми (Фҳиҳишахона сотиб олиш ёки сақлаш) билан жиноят иши қўзғатилган. Ҳозирда тергов ҳаракатлари олиб борилмоқда.
Эслатиб ўтамиз, ушбу ҳуқуқбузарлик 75 дан 100 бараваригача жарима ёки озодликни чеклаш ёки 3 йилдан 5 йилгача озодликдан маҳрум қилиш билан жазоланади.
