“UzNews.uz” нинг ДХХ даги ишончли манбаси хабарига кўра, ушланганларнинг 3 нафари 1999 йилдан 2006 йилга қадар жиноят содир қилгани учун жавобгарликка тортилгани айтилмоқда.
Жазо муддатини ўтаб бўлгач, озодликка чиққанлардан бири, ўзининг яқинлари ва қариндошларига “Ҳизб ут-Таҳрир” ғояларини фаол тарғибот қилиш билан шуғулланиб келган. Бундан ташқари, у давлатнинг конституцион тузумини ағдариш йўлида, интернет орқали мақолалар эълон қила бошлаган.
Давлат хавфсизлик хизматининг Тергов бошқармаси томонидан, ушбу жиноятчиларга нисбатан йиғилган ҳужжатлар асосида, Жиноят кодексининг 244-моддаси 2-қисмига асосан жиноят иши қўзғатилган бўлиб, ҳозирда тергов ҳаракатлари олиб борилмоқда.
