Велоспорт федерациясининг UzNews.uzга хабар беришича, ўзбекистонлик спортчи Ольга Забелинская 157 очко билан мезбон вакила Гудрун Стокни (125 очко) ортда қолдириб, биринчи ўринни эгаллади. Кучли учликни россиялик Тамара Дронова (117 очко) якунлади.
Эслатиб ўтиш лозим, ушбу мусобақалар спортчиларга 2020 йилда Токиода бўлиб ўтадиган 32 ёзги Олимпия ўйинларида қатнашиш учун рейтинг балларини беради.
Таъкидлаш жоизки, Ольга Забелинская 2019 йилнинг баҳорида бўлиб ўтган қитъа чемпионати доирасида зафар қучиб, велошоссе йўналишида велоспорт бўйича Олимпия лицензиясига эга бўлган.
