18-20 октябрь кунлари Украинанинг Киев шаҳрида Комбат Джиу-Джитсу бўйича ёшлар ҳамда катталар ўртасида IX жаҳон чемпионати бўлиб ўтди, деб хабар бермоқда UzNews.uz мухбири.
Жаҳон чемпионатида ўзбекистонлик спортчилар биттадан олтин ва кумуш ҳамда бешта бронза медалларини қўлга киритишган.
Иштирокчилардан бири Мироншох Асатуллаев «full-contact» йўналиши - 70кг вазн тоифасида шоҳсупанинг юқори поғонасига кўтарилган. У «close-contact» йўналиши бўйича кумуш медаль билан тақдирланди.
Бундан ташқари, спортчилар Набиев Аслидин (-63кг), Юсупов Саидалиакбар (-63кг), Ташмуратов Мақсад (77кг), Қобилов Жўрабек (-77кг) ҳамда Усеинов Эмил (+92кг) мусобақанинг бронза медалларига сазовор бўлишган.
