Ўзгидромет хабарига кўра, бугун, 25 ноябрь куни республика ҳудуди бўйлаб қуруқ ва кам булутли ҳаво кузатилмоқда. Бундай ҳолат Урал томондан республикага кирган жуда совуқ антициклон билан боғлиқдир. Бугун кундузги ҳаво ҳарорати 0 даражадан ошмайди.
Сешанба куни антициклон таъсири кучаяди, натижада тунги ҳарорат -6…-8 даража, айрим жойларда эса -10…-12 даражагача бўлади. Кундузи қуёш нурлари ҳавони +3 даражагача илитади.
Кейинги кунларда антициклон таъсири камаяди. Ҳафтанинг жума кунига келиб тунги совуқ 0…-5 даражагача кўтарилади, кундузи ҳаво ҳарорати +5…+7 даража бўлиши кутилмоқда.
