4 май куни соат 19:30да Самарқанд вилоятида 27 ёшли Ф.Р. "ВАЗ-2106" русумли машинасини маст ҳолатда бошқариб кетаётганида, қарама-қарши йўналишдан келаётган 29 ёшли З.А. бошқарувидаги "Газ-5327" русумли юк машинасига урилган. Бу ҳақда ИИВ ҳузуридаги тергов департаменти хабар бермоқда.
Тўқнашув натижасида "Газ-5327" русумли юк автомашинаси ҳайдовчисининг турмуш ўртоғи ва фарзанди — 22 ёшли Д.С. ва вояга етмаган 2 ёшли А.Н. оғир тан жароҳати олиб, ҳодиса жойида вафот этган.
Ҳолат юзасидан ЎзР ЖКнинг 266-моддаси 3-қисми “а” банди (одамлар ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
