Соғлиқни сақлаш вазирлигининг хабарига кўра, коронавирус инфекцияси яна 14 нафар кишида аниқланиб, 27 май соат 23:30 ҳолатига кўра, касалланганлар сони 3369 нафарни ташкил этмоқда.
Янги касалланиш ҳолатларининг 7 таси Бухоро вилоятида аҳоли орасида (Шофиркон туманидаги битта оила аъзолари) аниқланган. Мазкур ҳолат ушбу вилоятга коронавирус инфекцияси қайтганини кўрсатмоқда.
Шунингдек, 5 та ҳолат Тошкент шаҳрида аҳоли орасида аниқланган. 2 таси эса Тошкент вилоятидан (1 нафари халқаро юк ташувчи автомашина ҳайдовчиси, яна 1 нафари аҳоли орасидан аниқланган).
ССВ маълумотига кўра, ҳозирда мамлакатимизда даволанаётган 687 нафар бемордан 1 нафари ўта оғир аҳволда, 3 нафари эса оғир аҳволда.
