Вазирлар Маҳкамаси ҳузуридаги Санитария-эпидемиологик назорати давлат инспекцияси бошлиғи Нурмат Отабековда COVID-19 инфекцияси аниқланди.
У журналистларга тест натижасига кўра коронавирус аниқлангани ростлигини, айни пайтда даволанаётганини маълум қилган.
Нурмат Отабеков Халқаро пресс-клубнинг сессиясида қачонки, "халқимиз мутахассисларни фикрига тўлиқ ишонган ҳолда карантин қоидаларига риоя қилар экан, шундагина биз вазиятни идрок қила олишимиз мумкин", деб айтганди.
У 2020 йилнинг 23 июль куни Ўзбекистон Президенти томонидан имзоланган «Коронавирус пандемиясига қарши курашишда фидойилик кўрсатган юртдошларимиздан бир гуруҳини мукофотлаш тўғрисида»ги фармонга кўра, «Фидокорона хизматлари учун» ордени билан тақдирланган эди.
