Бунинг учун my.gov.uz порталида «Банк карталари» бўлими ишга туширилган.
Ушбу бўлим орқали фойдаланувчилар:
— Ўзбекистон тижорат банклари томонидан ўз номига очилган фаол пластик банк карталарини;
— банкларнинг мобил иловалари орқали масофадан очилган виртуал карталарни кўришлари мумкин.
Хизматдан фойдаланиш учун my.gov.uz порталига кириш ва «Банк карталари» бўлимини танлаш кифоя.
Қайд этилишича, мазкур имконият ҳозирда тест синов режимида ишламоқда. Бўлимда фақат Ўзбекистон Республикаси ҳудудида фаолият юритаётган тижорат банклари томонидан расмийлаштирилган карталар акс эттирилади.
Мазкур хизмат фуқароларга ўз номига расмийлаштирилган банк карталарини бир жойда кўриш ва назорат қилиш имконини беради.
Комментарии