Унинг сўзларига кўра, бу ҳақда қарор Абу-Дабида ўтаётган 15-БМТ конгресси доирасида қўллаб-қувватланган. Конгресс 26 сентябрдан 1 октябргача давом этади ва унда 97 дан ортиқ мамлакатдан қарийб 5 минг вакил иштирок этмоқда.
Анжуманда трансмиллий жиноятчилик, терроризм, наркотрафик, коррупция ва экологик ҳуқуқбузарликларга қарши курашиш, шунингдек, болаларни ҳимоя қилиш ва қонун устуворлигини мустаҳкамлаш масалалари муҳокама қилинмоқда.
Саида Мирзиёева БМТ Бош котиби ўринбосари, БМТнинг Наркотиклар ва жиноятчилик бўйича бошқармаси ижрочи директори Моника Жума билан учрашганини ҳам маълум қилди. Унинг қайд этишича, Ўзбекистон мазкур тузилма билан ҳамкорлик қилиб, қатор қўшма лойиҳаларни амалга оширмоқда.
«Мазкур конгресс Ўзбекистон учун алоҳида аҳамият касб этди. Барча иштирокчи давлатлар навбатдаги конгрессни мамлакатимизда ўтказиш бўйича Ўзбекистон ташаббусини қўллаб-қувватлади ва бу якуний декларацияда ўз тасдиғини топди», — деб ёзди Саида Мирзиёева.
Унинг таъкидлашича, Ўзбекистонда 2031 йилда бўлиб ўтадиган конгрессга тайёргарлик учун беш йиллик давр мавжуд.
Комментарии