Йўл ҳаракатини ташкил этиш маркази мутахассислари мазкур ҳудуддаги 9 та светофор ишини синхронлаштирди. Тизим эрталаб ва кечқурун транспорт оқими йўналишидан келиб чиққан ҳолда ишлайди.
Эрталаб «яшил тўлқин» Фурқат кўчасидан Шота Руставели кўчаси томон, кечқурун эса қарама-қарши йўналишда ишлайди. Тизим ҳаракатнинг ўртача 45–55 км/соат тезлигига мослаб созланган.
Натижада тирбандлик юқори бўлган вақтда мазкур йўл қисмидан ўтиш вақти 9 дақиқадан 7 дақиқага қисқарган. Бу ҳаракат вақтини тахминан 22 фоизга камайтирган.
Марказ маълумотига кўра, йўллар бўш бўлган пайтда ушбу масофани одатда 6–7 дақиқада босиб ўтиш мумкин. «Яшил тўлқин» жорий этилганидан сўнг тирбандлик вақтида ҳам йўлдан ўтиш вақти қарийб шу кўрсаткичга яқинлашган.
Тошкент кўчаларида светофорларни босқичма-босқич созлаш ва синхронлаштириш ишлари давом эттирилмоқда.
Комментарии