Бу масала Конституциявий суднинг 2026 йил 22 сентябрдаги мажлисида Омбудсман мурожаати асосида кўриб чиқилди. Унда Маъмурий жавобгарлик тўғрисидаги кодекснинг 288-моддаси иккинчи қисми Конституциянинг 27-моддасига мувофиқлиги муҳокама қилинди.
Амалдаги тартибга кўра, давлат чегараси ёки чегарадан ўтиш пунктларидаги қоидаларни бузган шахслар уч суткагача ушлаб турилиши мумкин эди. Шахсни тасдиқловчи ҳужжати бўлмаган тақдирда эса прокурор санкцияси билан ушлаб туриш муддати ўн суткагача узайтирилиши мумкин бўлган.
Конституциянинг 27-моддасига кўра, шахс суд қарорисиз 48 соатдан ортиқ ушлаб турилиши мумкин эмас.
Конституциявий суд бундай муддатни узайтириш учун суд қарорини олиш механизми назарда тутилмаганини қайд этиб, мазкур нормани Конституцияга номувофиқ деб топди.
Қарорда прокурорни хабардор қилиш ёки унинг санкцияси суд қарорининг ўрнини боса олмаслиги ҳам таъкидланди.
Комментарии