Судга кўра, вояга етмаганлар томонидан содир этилган жиноят ишлари ёпиқ суд мажлисларида кўриб чиқилади. Озодликдан маҳрум қилиш жазоси эса Жиноят кодексининг 85-моддаси талаблари асосида тайинланади. Бундай жазо умумий колонияларда эмас, балки алоҳида тарбия колонияларида ўталади.
Тошкент шаҳар суди вояга етмаганларга нисбатан жазо тайинлашда уларнинг ёши, руҳий ва ижтимоий ҳолати, шунингдек, ахлоқан тузатиш ва қайта тарбиялаш мақсадлари ҳисобга олинишини таъкидлади.
Маълум қилинишича, Тўрғунов жиноят содир этилган вақтда 16 ёшга тўлмаган ва мактаб ўқувчиси бўлган. Суд жазо тайинлашда уни ахлоқан тузатиш, қайта тарбиялаш ҳамда келгусида янги жиноят содир этишининг олдини олиш каби омилларни ҳам инобатга олган.
Шу билан бирга, суд ҳукми ҳали қонуний кучга кирмаган. Тарафлар ундан шикоят бериш ҳуқуқига эга. Агар шикоят келиб тушса, иш юқори суд инстанциясида белгиланган тартибда кўриб чиқилади.
Комментарии