10 сентябрь куни Бразилиянинг Embraer компанияси Ўзбекистон Ҳарбий ҳаво кучлари учун ишлаб чиқарилган биринчи C-390 Millennium самолётини тақдим этди.
Янги самолёт Ўзбекистоннинг ҳарбий-транспорт авиацияси имкониятларини кенгайтириши ва Ҳарбий ҳаво кучларини модернизация қилишга хизмат қилиши кутилмоқда.
C-390 Millennium 26 тоннагача юк ташиш имкониятига эга. Самолёт соатига 470 узел, яъни тахминан 870 км/соатгача тезлик билан уча олади ва узоқ масофаларни босиб ўтишга мўлжалланган.
Самолёт ҳарбий хизматчилар ва юкларни ташиш ва ҳаводан тушириш, тиббий эвакуация, қидирув-қутқарув ишлари, ёнғинларни ўчириш ҳамда гуманитар миссиялар каби кенг кўламли вазифаларни бажариши мумкин.
Компания маълумотига кўра, C-390 самолётларининг миссияларни муваффақиятли бажариш кўрсаткичи 99 фоиздан юқори. Бугунги кунга келиб, мазкур самолёт дунёнинг 11 та давлати Ҳарбий ҳаво кучлари томонидан танланган.
Комментарии