9 сентябрдан Хива — Бухоро, 14–15 сентябрдан эса Бухоро — Тошкент йўналишларида янги CRRC Dalian электропоездлари қатнай бошлайди. Шу муносабат билан айрим йўловчи поездларининг ҳаракат жадвали ҳам ўзгаради.
«O‘ztemiryo‘lyo‘lovchi» маълум қилишича, Хива ва Бухоро ўртасида қатнайдиган янги поездлар 5 вагондан иборат бўлиб, 415 нафар йўловчига мўлжалланган.
Хива — Бухоро — Хива
9 сентябрдан №707 Хива — Бухоро-1 электропоезди сешанба кунидан ташқари ҳар куни ҳаракатланади.
- Хивадан жўнаб кетиши — 09:55
- Бухорога етиб келиши — 14:32
№706 Бухоро-1 — Хива поезди эса душанба кунидан ташқари ҳар куни қатнайди.
- Бухородан жўнаб кетиши — 15:45
- Хивага етиб келиши — 20:25
Бухоро — Тошкент — Бухоро
14 сентябрдан №701 Бухоро-1 — Тошкент электропоезди душанба кунлари қатнайди. Поезд Бухородан 15:17 да жўнаб, Тошкентга 21:22 да етиб боради.
15 сентябрдан №702 Тошкент — Бухоро-1 поезди сешанба кунлари ҳаракатланади.
- Тошкентдан жўнаб кетиши — 10:05
- Бухорога етиб келиши — 15:17
Янги электропоездлар ишга туширилиши муносабати билан қуйидаги поездлар жадвалига ҳам ўзгартиш киритилади:
- №56 Тошкент Жанубий — Хива — 8 сентябрдан;
- №58 Тошкент Жанубий — Шовот — 10 сентябрдан;
- №127/128 Андижон — Қўнғирот — 8 сентябрдан;
- №301 Душанбе — Тошкент — 15 сентябрдан;
- №6412 Тошкент Жанубий — Ҳаваст — 15 сентябрдан, сешанба кунлари;
- №6353 Урганч — Нукус — 9 сентябрдан.
Йўловчиларга сафарни режалаштиришда янгиланган ҳаракат жадвалини инобатга олиш тавсия этилди.
Комментарии