Фарғона вилояти ҳудудий Қурилиш ва уй-жой коммунал хўжалиги соҳасида назорат қилиш инспекцияси матбуот хизмати хабарига кўра, шаҳарнинг «Мурувват» МФЙ, Фарғона кўчаси, 78-уйда мониторинг ўтказилган.
Ўрганиш давомида 78/17-хонадон мулкдори кўп квартирали уйнинг ертўла қисмида Ўзбекистон Республикаси Вазирлар Маҳкамасининг 648-сон қарори талабларига зид равишда сунъий ҳавза ўрнатгани маълум бўлган. Ҳавзада турли балиқлар, жумладан, акула боқилган.
Ҳолат юзасидан Маъмурий жавобгарлик тўғрисидаги кодекснинг 159-1-моддаси асосида маъмурий жарима қўлланилган. Шунингдек, ертўлани 15 кун ичида бўшатиш ва аввалги ҳолатига келтириш бўйича ёзма кўрсатма берилган.
Бундан ташқари, ичимлик сувидан ўзбошимчалик билан фойдаланиш ҳолати бўйича ҳам тегишли баённома расмийлаштирилган.
Комментарии