Йўл-транспорт ҳодисаси 30 август куни соат 07:45 атрофида Зафаробод тумани Нурафшон МФЙ ҳудудидан ўтувчи 25В-037 автомобиль йўлининг 7-километрида содир бўлган.
Дастлабки маълумотларга кўра, «MAZ» русумли юк автомобили ҳайдовчиси Б. Мўминов чапга бурилиш вақтида қарама-қарши йўналишда ҳаракатланаётган Зафаробод тумани ҳокими Ғ. Эшпўлатов бошқарувидаги «KIA Seltos» русумли хизмат автомобилининг ҳаракат йўлига чиқиб кетган.
Тўқнашув оқибатида ҳоким Ғ. Эшпўлатов ва автомобиль салонида бўлган унинг вояга етмаган ўғли Ш. Эшпўлатов турли даражадаги тан жароҳатлари билан РШТЁИМ Жиззах филиалининг жонлантириш бўлимига ётқизилган. Юк автомобили ҳайдовчиси тан жароҳати олмаган.
Ҳолат юзасидан 30 август куни Зафаробод туман прокуратураси томонидан Жиноят кодексининг 266-моддаси 1-қисми билан жиноят иши қўзғатилган.
Айни пайтда дастлабки тергов ҳаракатлари олиб борилмоқда.
Комментарии