Ҳиндистон Бош вазири Ўзбекистонга давлат ташрифи билан келади

Ташриф доирасида Ўзбекистон–Ҳиндистон стратегик шериклигини янада ривожлантириш ва кўп қиррали ҳамкорликни кенгайтириш масалалари муҳокама қилинади.

Музокараларда савдо, энергетика, кимё, геология, соғлиқни сақлаш, фармацевтика, қишлоқ хўжалиги, машинасозлик ва бошқа соҳаларда қўшма лойиҳаларни амалга оширишга алоҳида эътибор қаратилади.

Шунингдек, халқаро ва минтақавий кун тартибидаги долзарб масалалар юзасидан фикр алмашилади.

Ташриф якунида икки томонлама ҳужжатларнинг салмоқли тўпламини имзолаш режалаштирилган.