Тибет чегарасида кучли сув тошқинлари ва сел кўчкилари содир бўлди. Табиий офат оқибатида ҳалок бўлганлар сони 500 нафарга яқинлашган. Қутқарувчилар яна сув тошқинлари ва сел оқимлари юз бериши мумкинлигидан огоҳлантирмоқда.
Турли давлатларнинг дипломатик ваколатхоналари офат ҳудудида бўлиши мумкин бўлган ўз фуқароларини қидирмоқда. Қидирув-қутқарув ишларига 5 мингдан зиёд ҳарбий ва полиция ходими жалб этилган.
Қутқарув ишлари янги сув ва лой оқимлари хавфи ҳамда ёғингарчиликлар туфайли қийинлашмоқда.
Ўзбекистоннинг Деҳлидаги элчихонаси маълум қилишича, ҳозирча табиий офат оқибатида ҳалок бўлганлар ёки жабрланганлар орасида Ўзбекистон фуқаролари борлиги ҳақида маълумот келиб тушмаган.
Дипломатлар Непалнинг ваколатли органлари билан алоқани сақлаб, минтақадаги вазиятни кузатишда давом этмоқда.
Комментарии