Унга кўра, энди болага отасининг ёки ота томондан, шунингдек она томондан бобосининг исмидан ҳосил қилинган фамилия берилиши мумкин.
Аввалги тартибда болага бевосита отасининг исмидан ҳосил қилинган фамилия бериш имконияти назарда тутилмаган.
Қонунни кўриб чиқиш жараёнида сенаторлар мазкур норма йўқлиги фуқароларнинг мурожаатларига сабаб бўлиб келганини таъкидлаган. Хусусан, болалар уйида тарбияланган ёки ота-онаси ота-оналик ҳуқуқидан маҳрум қилинган шахслар шундай ҳолатларга дуч келган.
Айрим фуқаролар бундай вазиятларда фарзанди фамилияси бобосининг исмидан ҳосил қилинишини истамаслиги қайд этилган.
Янги тартиб ота-оналарга фарзандига фамилия танлашда миллий ва диний анъаналарни инобатга олган ҳолда кўпроқ имконият беради.
Комментарии