Бугун, 13 август куни Ўзбекистон Суперлигасининг 17-туридан ўрин олган марказий учрашувлардан бири — "Андижон" ва "Нефтчи" ўртасидаги Водий дербиси бўлиб ўтди.
Ушбу учрашувда киритилган голларга Алишер Одилов, Стипе Перица ва жамоага яқинда қўшилган Коффи Коуао муаллифлик қилишди.
Учрашувда “Андижон” ўз майдонида ҳаракат қилганига қарамай, “Нефтчи”нинг босими ва ҳужумдаги самарадорлиги устун келди. Айниқса, меҳмонлар ҳимояда тартибли ҳаракат қилиб, рақибга аниқ вазиятлар яратиш имконини камайтирди. “Нефтчи” эса ўз имкониятларидан унумли фойдаланди.
“Нефтчи” бугунги баҳсда нафақат ҳисоб, балки ўйин сифати бўйича ҳам устун бўлди. “Андижон” эса ҳужумдаги муаммоларини бартараф этмаса, юқори ўринлар учун курашда қийинчиликка дуч келиши мумкин.
Комментарии