Ўзбекистонлик таниқли киноактёр, режиссёр ва педагог Абдураҳмон Убайдуллаев 7 август куни ҳаётдан кўз юмди. У томошабинларга Зулфиқор Мусоқовнинг «Ватан» фильмидаги роли орқали танилган.
Абдураҳмон Убайдуллаев Ўзбекистонда хизмат кўрсатган ёшлар мураббийси, санъатшунослик фанлари номзоди, профессор эди.
У «Омад», «Сўнгги лаҳза», «Ҳижрон», «Назар», «Йигит йиғламасин», «Алданган кўнгил», «Меҳр» каби кўплаб бадиий фильмлар ҳамда бир қатор миллий телесериалларда роллар ижро этган.
Ижодкор шунингдек, Ўзбекистон давлат санъат ва маданият институтининг «Овоз режиссёрлиги ва операторлик маҳорати» кафедрасида талабаларга таълим бериб келган.
Комментарии