Туркия ҳудудида қарийб бир ярим йил давомида халқаро қидирувда бўлган Ўзбекистон фуқароси мамлакатга экстрадиция қилинди. Бу ҳақда Ўзбекистоннинг Истанбул шаҳридаги Бош консулхонаси маълум қилди.
Маълум қилинишича, А.А. Ўзбекистон Республикаси Жиноят кодексининг 168-моддаси (фирибгарлик) билан айбланмоқда. У ҳуқуқни муҳофаза қилувчи органлардан яшириниб, Туркия ҳудудида бўлган ва шу ерда қўлга олинган.
Барча зарур ҳуқуқий ва процессуал тартиб-таомиллар якунланганидан сўнг, гумонланувчи Ўзбекистон ҳуқуқни муҳофаза қилувчи органлари вакилларига топширилиб, мамлакатга олиб келинган.
Ҳозирда у кейинги тергов ҳаракатлари ва суд жараёнларини давом эттириш учун ваколатли органларга топширилган.
Комментарии