Аввалроқ 1 сентябрь куни соат 19:00да 2-батальон ЙПХ инспектори катта сержант Салим Умаров Миробод тумани Шаҳрисабз кўчасида текширув учун Captiva русумли автомобилни тўхтатгани ҳақида хабар берилган эди.
Катта сержант текширувдан сўнг ҳужжатларни ҳайдовчига қайтариб, транспорт воситасини айланиб ўтиб йўл чети томон юрган.
Шу вақтда 19 ёшли Lacetti ҳайдовчиси Т.М. Миробод кўчасидан чиқиб, бошқарувни йўқотган ва йўл четида тўхтаб турган Captiva автомобилига тўқнашгач, инерция туфайли ҳаракатни давом эттириб, ЙПХ ходимини уриб юборган.
ЙТҲ натижасида 30 ёшли ЙПХ инспектори катта сержант Салим Умаров тан жароҳатлари билан шифохонага ётқизилган.
У 1 сентябрдан реанимацияда бўлган. Лекин, кўрсатилган тиббий ёрдамга қарамай, инспектор вафот этган.
Эслатиб ўтамиз, тўпланган ҳужжатлар қонуний чора кўрилиши учун прокуратурага йўналтирилган. Тергов олди текширув ишлари олиб борилмоқда.
