Интерполнинг Тошкент ва Варшава шаҳарларидаги Миллий марказий бюролари ҳамкорлиги натижасида халқаро қидирувда бўлган Ўзбекистон фуқароси Полшадан экстрадиция қилинди.
Маълум қилинишича, мазкур шахс ЖКнинг 244-2-моддаси 1-қисмида назарда тутилган жиноятни содир этганликда айбланиб, унга нисбатан жиноят иши қўзғатилганидан сўнг мамлакат ҳудудини тарк этган ва узоқ вақт хорижда яшириниб юрган. Шу сабабли у Интерпол каналлари орқали халқаро қидирувга берилган.
Интерполнинг Тошкент ва Варшавадаги Миллий марказий бюроларининг мувофиқлаштирилган ҳаракатлари ҳамда Ўзбекистоннинг Польшадаги элчихонаси кўмагида қидирувдаги шахснинг турган жойи аниқланиб, халқаро ҳамкорлик доирасида у Ўзбекистон Интерпол ММБ ходимларига топширилган.
Комментарии