Метрополитен матбуот хизмати маълумотига кўра, 17–19 июль кунлари ер усти ҳалқа йўлида поездлар соат 06:00 дан 22:30 гача ҳаракатланади.
Ушбу даврда мутахассислар ер усти ҳалқа йўлидаги 14 та станциянинг конструктив ва техник ҳолатини батафсил текшириб чиқади.
Метрополитенда таъкидланишича, профилактик ишлар инфратузилманинг ишончли эксплуатациясини таъминлаш, унинг жорий ҳолатини қўшимча таҳлил қилиш ҳамда йўловчилар хавфсизлиги ва қулайлигини янада ошириш мақсадида амалга оширилмоқда.
Йўловчилардан ушбу муддатдаги вақтинчалик ўзгаришларни инобатга олиш сўралди. Метрополитен маъмурияти юзага келган ноқулайликлар учун узр сўради.
Комментарии