Андижон вилояти божхона бошқармасининг Контрабандага қарши курашиш бўлими ходимлари томонидан ДХХ, ИИБ ҳамда Иқтисодий жиноятларга қарши курашиш департаментининг вилоят бошқармаси билан ҳамкорликда ўтказилган тезкор тадбир давомида қалбаки валюта қимматликларининг ноқонуний муомалага киритилишига чек қўйилди.
Хонобод шаҳрида ўтказилган тезкор тадбирда Қирғизистон фуқароси шартли харидорга қалбаки 8 700 АҚШ долларини ҳақиқий 3 520 АҚШ долларига сотаётган вақтида ашёвий далиллар билан ушланди.
Дастлабки суриштирувлар давомида ушбу қалбаки валюта қимматликлари фуқаро томонидан Қирғизистон Республикасидан ноқонуний тарзда олиб кирилгани маълум бўлди.
Ҳозирда мазкур ҳолат юзасидан фуқарога нисбатан жиноят иши қўзғатилиб, тергов ҳаракатлари олиб борилмоқда.
Қалбаки валютани тайёрлаш, сақлаш, ташиш ёки муомалага киритиш нафақат иқтисодий хавфсизликка таҳдид солади, балки фуқароларнинг молиявий манфаатларига ҳам жиддий зарар етказади.
Комментарии