ИВВ ҳузуридаги тергов департаментининг хабарига кўра, 2018 йилнинг май ойидан 2019 йилнинг 7 март кунига қадар ХХР фуқароси 49 ёшли Л.Ж. Андижон вилоятида яшовчи 43 ёшли Ж.А.нинг ишончига кириб, Тошкентда жойлашган МЧЖга тегишли ғишт ишлаб чиқариш корхонасини 1 млн долларга сотишини айтган.
Л.Ж. 645 000 долларни олиб, шу кунга қадар турли баҳоналар қилиб МЧЖга тегишли бўлган ғишт ишлаб чиқариш корхонасини Ж.М.нинг номига расмийлаштирмаганлиги ёки қўлга киритилган пулларни қайтариб бермай, шахсий эҳтиёжларига ишлатиб юборганлиги аниқланган.
Мазкур ҳолат юзасидан Андижон вилояти ИИБ ҳузуридаги тергов бошқармаси томонидан ЎзР ЖКнинг 168-моддаси 4-қисми «а» банди билан жиноят иши қўзғатилган.
Ҳозирда жиноят иши бўйича тергов ҳаракатлари олиб борилмоқда.
