Туркиянинг Истанбул шаҳрида кетма-кет учта кучли зилзила содир бўлди. Бу ҳақда Trend нашри турк оммавий ахборот воситаларига таяниб хабар берди.
Маълумотларга кўра, Истанбулнинг Силиври туманида қайд этилган биринчи зилзила кучи 3,9 баллни ташкил этган. Кўп ўтмай яна иккита - 4,4 ва 6,2 балли зилзила содир бўлди.
Зилзила ваҳимаси туфайли шаҳарнинг мобил алоқа тизимида жиддий узилишлар кузатилмоқда. Вайронагарчилик ва қурбонлар ҳақида ҳозирча маълумот йўқ.
"Ўзбекистоннинг Истанбул шаҳридаги Бош консулхонаси барча ватандошларимизни осойишта бўлишга, расмий манбалар орқали тарқатилаётган маълумотларни кузатиб боришга ҳамда хавфсизлик чораларига риоя қилишга чақиради," - дейилади хабарда.
