Аввалроқ, ижтимоий тармоқларда ПЙХ ходимлари ва ҳайдовчи иштирокида жанжал акс этган видео тарқалди. Видеода ҳайдовчи ходимларга қаршилик кўрсатиб, улардан бирига мушт туширганини ҳам кўриш мумкин. Ҳолат юзасидан Қашқадарё вилояти ИИБ ЙҲХБ маълумот берди.
Маълум бўлишича, йўлда хизмат олиб бораётган ИИО ходими белгиланмаган жойга қўйиб кетган Cobalt автомобилининг эгасидан ҳужжатларини сўраган.
Аммо, ҳайдовчи ҳужжатларни тақдим қилмай, ходимнинг қонуний талабига қаршилик қилган. Шундан сўнг, ҳайдовчи жанжал кўтарган.
"Ҳайдовчини тинчлантиришга уриндик. Уни қонуний талабга бўйсинтиришга униндик", - дейди ПЙХ ходими.
Автомобиль жарима майдонига қўйилган. Ҳайдовчига эса ЖКнинг 219-моддаси 2-қисми билан жиноят иши қўзғатилган.
"ЙПХ ходимларига бўйсунмай қочишга ҳаракат қилдим. Улар мени машинадан тушириб олишгани сабабли жаҳлим чиқиб, жанжаллашиб кетдим. Ҳаммадан узр сўрайман", - дейди ҳайдовчи.
